XX. mendeko Euskararen Corpus estatistikoa

Testuingurua

Orai Elizak gaztekin bertze molderik du.

Garazin badugu kasik sortu berri, Donianetik hamar kilometretan, Duzunaritze-n, ETXARTIA.

Garazi-Baigorri aldeko apez guziek senditurik gazten biltoki berezi baten beharra, Apezpikutegia lagun, erosi eta antolatu dugu han Centre d accueil bildumategi berezi bat, oraino ainitzek ezagutzen ez duitena.

Hango lanak, eta ez entrealekoak, doi-doia bururatzen ari ditugu, hiru urteren buruan; hortakotz ere, ez dugu oraino edozoin gomita handirik egin, haren bisitatzerat juaiteko...

Bainan Garazi-Baigorriko zonbat ehun gaztek ez dute jadanik untsa ezagutzen eta estimatzen etxe hori!.

Bi apez gazte baditugu, hango biltzarren, eta heiekin zonbait gizon eta emazte animatzaile, urritik eta ekaina arteko igande gehienetan.

Udan, bakantza-leku haur ttipientzat; handik partitzen dira ere ttarrotuenak camp berezi batzuen egiterat, hamar-hamabortz egun eta holako.

Etxe hori, bestalde, idekia da edozoin activitate moldeeri eta jadanik talde batzuek, zonbeit egunentzat berdin, lokatzen daukute...

Haurren Egintza katolikoa bada gaur (ACE)... Leheneko CV eta AV hetarik diferentak: hek multzo handi batzu, dena lepoko eta bandera, erreximendu molde bat zuten; oraikoek, ACE hortan, talde ttipika (club): gizon edo emazte gehiendu batekin lan egiten dute.

Behin, Garaztarren etxean, klika bat sortu zen, gaztek elgarrekin egina...

Orroitzen niz, ni baino, zaharrago apez batek, trufa batekin erranik:

Ez ahal da gaurko JAC edo MRJC-koen manera...

Hortan ere talde ttipi batzu, han eta hemen satora bezala lanian ari...